Sñiawngooh ka KSU-JHDU wa da tympra u DC ka EJH ya i Mandir wa chna hei thaw sorkar

Jowai: Ka Khasi Students’ Union-Jaiñtia Hills District Unit (KSU-JHDU) da pynsñiaw ko yei sñiawngooh wa i sñiawburom ya u FM Dopth, IAS, Deputy Commissioner East Jaiñtia Hills District hajrong wa chimkhia u wow tympra ya ka Mandir ki Hindu kawa da chna pyrchah ya ka aiñ ha i thaw sorkar wa em ha Khliehriat hajan u mot dur yong u Woh Kiang Nangbah u khlawait ka ri hadien wa ka seiñ da dawa wa toh u tympra ya ini i Mandir iwa dang chna.

Ka seiñ da ong ko wa ym ye u dam u pynsñiaw yei sñiawburom neidaw wa da ki snem da yaleh ko wow yakhih ya kani ka kaam wei du hadien wa poi u FM Dopth da man kaam ko.

Ka seiñ da pynsñiaw ko leh yei sñiawngooh wa da yoh kam uni u sahep uwa krehhok ya i kamram yong oo khlem da pait chilliang lada khian næ khroo neibynta ki paidbah.

Ini toh katkam wa pyntip u Ohibait Dkhar, President KSU Jaiñtia Hills District Unit.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024