Jowai: Ka Meghalaya SSA Schools Association Jaintia Hills (MSSASA) ka seiñ kawa kynthup ïa ki nongsikai SSA, ki Managing Committe yong ki skur wa ki Sponsoring Body da pynsñiaw ki ïa i sniawngooh kawa khroo ïa ka Dr L.M.Darnei ka wa man kam ka District Mission Co-ordinator (DMC) SSA-SEMAM Jaintia Hills ïa i kreh chitom yong ka u pynkrehkaam ïa ki Personal Bank Account niebynta ki nongsikai SSA East wa West Jaintia Hills District.
Katni ïa ka tulop ki nongsikai SSA da phah beit cha ki account yong ki nongsikai lyngba ki managing committee ym toh de kam nachwa heiwa ïa ka tulop yong ki da su beit da ka poisa ha kti.
Kamwa pynkynmoo ka Meghalaya SSA Schools Association Jaintia hills (MSSASA) ha ki snem wa da lai neidaw wa ym yoh ryntih ki ïa ka tulop ka wa toh hok u yoh, ka association ha ka 18 tarik u bnai Ñaisaphra 2013 da lai yachem ko ïa ka DMC SSA-SEMAM Jaintia hills wei da booh ki leh ïa ka dorkhas katkam ka chithi no.MSSASA-JHD/GEN/2013-2014/40 dated Jowai the 18thOctober 2013 yow pynkrehkaam noh da ka personal bank account ïa ka tulop ki nongsikai hapoh ka district khnang yow yoh ki ïa ka hok kawa ki u ïoh ki.
Ka Dr L.M.Darnei da kular ko u chim khia wei da rah ko leh ïa mat dawa ka association cha ki bor wa hajrong, wei dei chim khia wa ibkreh chitom yong ka DMC Jaintia Hills deilang wa i krehlang ka association hadien ar snem u State Project Director SEMAM(SSA) Secretary to the Govt. of Meghalaya Education Department u ma F.R.Kharkongor (I.A.S) ha ka chithi katkam ka chithi no. MEGH/SEMAM-SSA/FIN/JH-corr/85/
Ka Association leh da e khublei ko leh ïa u Deputy Commissioner uwa man leh kam u Chairman ka SSA-SEMAM West Jaintia hills kamjooh leh ïa u F.R.Kharkongor State Project Director (SPD) wa ïa ka sorkar jylla ong ka kyrwoh khubor na u Aris C. Rymbai President ka Meghalaya SSA Schools Association Jaintia Hills.
Discussion about this post