Ka Salonsar Learning Center, East Jaiñtia Hills District kawa man ka thaw e sikai Computer ya kiwa em chitom em duna hei doh i pran kamjooh leh ya ki bru wa biang i doh i pran, lyngba u Director yong ka, u Kermiki Siangshai da pynsñiaw ko i sñiawngooh ya ka seiñ Jaintia Student’s Movement (JSM) wada pyndep ko yei kular deiwa e sñiawbha 10 tylli ki chuki Plastic deilang ki miej Plastic cha kani ka chlem e sikai.
Ha ka yalang tbian wa da pynman ynnin ka sngi ha Salonsar Learning Center hi neibynta wow e kti ya kini ki chuki ki miej, neiliang kiwa yahkhmat ka JSM nadooh u Vice President, Education Secretary yooluti ki wa kiwa wan chah sikai ha kani ka Centre u man sakhiat ki kiwa yoh yei tip i chemphang heiyatoh wa ka Computer lada toh wow kreh ki ha kiwon kiwon ki thaw krehkaam næ kiwon kiwon ki jait kreh wa pynemkaam da ki kor Computer.
Da ong ki leh wa i tip wow pynemkaam wei wow kreh da ka Computer man ko kawa emkaam bha ha kani ka juk najrong wa da pyndep yei puræ puthi waphær waphær ha ki skur ki College.
Kamtæ da kyntu ki ya kiwa wan chah sikai wow man kiwa chimkhia wei ksoh yei sikai wa da yoh.
Discussion about this post