Ki dkhot ka Seiñ Kynthai Nongthymme Sehlama, Namdong Block, West Jaiñtia Hills dap ki dei sñiawngooh wa khroo ya u Deputy Chief Minister, u Sniawbhalang Dhar uwa man leh kam u MLA ka 1-Nartiang Constituency wa smat u wow e yarap neipor cheipor wei kyrchaanlang ya ka imlang sahlang hapoh ka chnong Nongthymme Sehlama deiwa e yarap Rs. 2,35,000 cha ka seiñ kynthai ka chnong yow thied ya ki tiar ki tar wa emkaam nadooh ki chuki, ki kchu, ki Kettle wa waroh ki tiar wa emkaam heipor wa pynman khawai kamjooh iwa emkaam ha ka imlang sahlang.
Ym du itæ, ha kini ki sngi wa dang dep da e kyrchaan rap kyrpang chooh chooh da ki tiar wa ye u pynemkaam kiwa 300 tylli ki siang, 300 tylli ki pliang, 2 tylli ki Salad Stand, 4 tylli ki Tea Urn wa 20 tylli ki Buffet Container wei ini waroh da wanrah chooh chooh ko yei kmen ya ka chnong ka thaw khamtam ya kiwa kitkaam yong ka seiñ nadooh ka President, Secretary wa ki dkhot waroh wa em hapoh ka seiñ.
Kamtæ ka seiñ da e khublei kyrpang ko ya u MLA wow nang yoh u dei chait dei nang, yow nang ye chooh chooh u chakri ya ka ri wa ka jait bru, ka jylla wa ka ri hi waroh kawi.
Discussion about this post