Ka Synjuk Waheh Chnong Laskein Block Unit lyngba u Finance Secretary u Danny Shadap da e khublei ki yaka sorkar yei rai wa chlur wa chim ko wow kyrriah yaka Headquarter ka North Division PWD Roads na Jowai cha Shangpung. Ka Synjuk da pynsñiaw ko yei sñiawngooh ya u Montri Rangbah u Conrad K Sangma, ki Montri yong oo khamtam ya u C. Ymbon wa u N. Sungoh ki MLA na ki Block kiwa da yarap wow poi cha kani ka thong.
Ka Synjuk da ong ko wa daw yoh myntoi bha ki chnong kiwa em ha Laskein C&RD Block kiwa man kamni ha wah:
- Ki chnong hapoh ka North Division toh kiwa em ha ki ar tylli ki Constituency wa kiwa em ha Laskien C&RD Block. Ini daw pynduna ko yei lutsan hei lai i wan.
- Ini daw pynduna ko leh yei khynnia kari, i duna bru wei daw pynsmat ko yei krehkaam.
- Daw suk leh yei kreh yaki kaam manda nujor ya iwa rim neidaw wa da jan ki thaw wa pynkreh.
Ka Synjuk da kitbok kitrwiang ko leh yow poi cha iwa jop yei thong ka sorkar wow chna yaki Mini Secretariat ha ki District ka Meghalaya.
