Jowai: Ka War Jaiñtia Youth Council (WJYC) Central Body da pynsniaw ko yei sniawngooh ya ka MeECL wa da ap ko yei kyrpad ka seiñ wow pynyoh Transformer ha ka chnong Bakur (Dawki) neibhah na i daw wa sih u Transformer kani ka chnong da dooh bordiñ ko kattu la 3 bnai tam.
Kamtæ ka seiñ da e khublei u ya u Additional Chief Secretary Meghalaya wa man u CMD ka MeECL u P.S. Thangkhiew, u DC ka West Jaiñtia Hills u Rapthap wa u EE MeECL Jowai u K.K. Raswai kamjuh leh ya u JE MeECL Jowai u Susngi kiwa smat wow yarap yeiwa kyrpaad ka seiñ wow pynyoh Transformer ya kane ka chnong.
Ha i jooh i por ka seiñ da e khublei Christmas wa u snem thymme wa suk wa kmen ya ki paidbah ka thain waroh.
Also Read: Booddien ka WJYC yei sahteiñ i kular u EE ka MeECL wow booh Transformer ha Bakur WJH
Discussion about this post