Jowai : Ynnin ka 15 tarik kawa man ka miet wa da yaleh ya ka Final yong ka World Cup hapyrdi ka France wa Croatia da pynyoo ya ka lyngba ki Giant Screen ha Jowai wa ha Khliehriat heiwa da wan sakhi ya kani ka yalehke da ki spah ngut.
Ka yungkrehkaam u DC ka WJH da pynyoo ko ya kani ka Giant Screen ha Iawmusiang hei yakrehlang wa ka Pulse Events.
Ha Khliehriat won da pynyoo ya kani ka Giant Screen da ka yung krehkaam u DC ka EJH ha Jaiñtia Eastern College heiwa da thmu leh wow em DJ Session ha kani ka miet wei ya ini i thmu wow em DJ da pyrchah noh da ka seiñ JSM-ER heiwa ka seiñ lyngba u president yong ka, u Shnalad Rymbai da thoh u cha u DC wow pyndam noh ya ka DJ Session.
Ha kani ka miet neiliang ki bor district hadien wa chong pyrkhat bha da pyndam noh ki ya kani ka DJ Session.
Neiliang ki paidbah da e ki leh yei sñiawngooh cha waroh ki bor District yong ki ar District wa da pynyoo ya kani ka Giant Screen ha kani ka miet.
Discussion about this post