Sñiawphylla ka Joint–VDP ka Elaka Sutnga yei pynbaad u waheh chnong Moolamylliang ya u Dolloi

Ka Joint-VDP yong ka Elaka Sutnga da pynsñiaw ko yei sñiawphylla yei pynbaad u waheh chnong yong ka chnong Moolamylliang ya u Dolloi ka Elaka Sutnga heiyatoh wa i chah kem u Dame Rymbai deiwa ong wa katkam wa tip yong ki, u Dame Rymbai ym toh u waheh chnong lane u Asst. waheh chnong heipor wa soi u ya kawi ka Objection Application pyrchah yaka Hard Coke kawa em ha Bther.

Haka kyrwoh khubor wa phah da u Neini Bareh, President Joint-VDP, Elaka Sutnga wa u Pynbait Sutnga, Secretary Joint VDP, Elaka Sutnga da ong wa heipor wa u Dame soi u ya katai ka kot, ka chnong Moolamylliang em ko hapoh i pait yong u Acting Waheh Chnong u Tipsngi Syrti uwa thung da ka JHADC. Wei yaka kot da soi da i stat hi u Dame samen khlem da yoh bor na ka Dorbar Chnong Moolamylliang wei da pynemkaam u leh yaka Seal lane ka muhor u Waheh Chnong kawa pynyoo wa kani man ko pyrchah yaka aiñ.

“U waheh chnong yong ka chnong Moolamylliang u Apmon Pachiang toh u tip u leh wa ileh wa ka JHADC hap ko wow thung da u Acting Waheh Chnong ha ka chnong Moolamylliang, toh u tip u leh yaka aiñ wa chisien wa ya ka chnong da hap wow pait da u Acting Waheh Chnong, ini mut wa ka EC yong u waheh chnong warim da pynhap noh wei katwa i por wa u Acting Waheh Chnong dang pait u yaka chnong ym em Executive Committee de.” Da ong ka kyrwoh.

Da ong wa u waheh chnong ka chnong Moolamylliang wa kiwi kiwi toh u tip rap bniah ya ki aiñ yong ka District Council hawa yatoh waka kaam waheh chnong ha chwa wow pynbaad ya kiwon kiwon khnang yow lait na i yoo sarom wa i pynyoo yei biej yong ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka Joint VDP ka Elaka Sutnga da kwah ko leh wow pynkynmoo wei wow pyntip ya u waheh chnong yong ka chnong ka Moolamylliang wa ka Bther ym toh ka thaw wa haap hapoh u pood u ang ka chnong Moolamylliang wei da kyrpaad leh ya oo wow thooh leh ki laad khnang wa i ya piah ya chrut hapoh ka chnong Moolamylliang u kut noh ko.

Ka Joint VDP yong ka Elaka Sutnga da yaroh ko leh ya u Dolloi uwa da leh ya kani ka kaam, kawa man kam i sneiñ ya kiwi khnang wa ym leh kulmar ya kawon kawon ka kaam wym toh, da kyrpaad leh ya waroh wym toh u pynbaad kulmar ya kiwa yahkhmat ka Elaka wa ya ka Elaka hi waroh kawi khlem da tip yei yong sakhiat wa i rukom pynlai kaam hapoh ka Elaka.

Also Read: Pynche ka Moolamylliang wa bakla u Dolloi wow pynbaad ya u Asst. Waheh Chnong