Sñiawphylla ka KSU-MC wa esikai ki pulit heiyatoh wa ki Zebra Crossing hawa tang uwi wot leh ym em ha sarok

Shillong: Ka KSU Mawlai Circle (MC) da dap da ko dei sñiawkmen hajrong i chimkhia ki pulit lyngba ka tnat Traffic wa pynman ko yaka yalang pynsñiawthooh paidbah heiyatoh wow syndong heipor wa kaap chiliang sarok wei kamjooh kammon u leh yow duna i sahkut kari ha ka yalang wa pynman ha Mawlai Nongkwar Petrol Pump heiwa da hikai ya ki paidbah khamtam ya ki khynnah skur wa kammon wow pynemkaam ya u Zebra Crossing.

Tangwa neiliang ka KSU Mawlai Circle da dap ko dei sñiaw lyngngoh wa khroo wa kamnon kini ki Traffic Police da e sikai ki heiyatoh wa u Zebra Crossing heiwa tang uwi u Zebra Crossing leh ym em hadooh ki thaw wa emkaam dooh u booh kam ha Lad Iewrynghep wa ha Mawlai Nongkwar Petrol Pump heiwa boon ki khynnah skur pynemkaam ki ya kini ki laad wow kaap cha chiliang sarok.

Kamtæ neiliang ka Circle da dawa ko naka Sorkar lyngba ka tnat PWD (Roads) wa toh u booh noh ki ya u Zebra Crossing ha Lad Iewrynghep wa ha Lad Nongkwar Petrol Pump.

Ka seiñ leh da kyntu ko ya ka tnat PWD wow booh leh ya ki Zebra Crossing ha kiwi ki thaw wa emkaam ha u sarok nadooh Lad Mawlai Umthlong hadooh Mawiongrim khamtam ha ki thaw wa boon ki thaw puræ yow suk ki khynnah skur lada emkaam ki wow kaap cha chiliang sarok.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang ka KSU Mawlai Circle da ngait skem ko wa ka tnat PWD daw leh smat ko ya ini i wow pynduna leh yei sahkut ki kari kamjooh i ya tyrrah kari wei yow lait hi leh na iwon iwon iwa sñiawsih.

Kani toh katkam wa pyntip u Mac Iver Thabah, Vice President KSU Mawlai Circle.