U Waheh Chnong waka Executive Committee ka chnong Raliang dap ki da i sñiawsih wa khroo bha neidaw wa uwa mihkhmat yong ki kam u MLA u Comingone Ymbon yong ka Raliang Constituency uwa jop kam u MLA la 3 sien da chah pyndooh u wow man kam u Montri sorkar wa pait yaka chnat Fishery, GAD waka PWD (Building) hapoh ka sorkar MDA.
Da ong ki wa kam uwa mihkhmat yong ka Constituency man u uwa chimkhia wow pait u sylli yeiwa emkaam uwa tip leh yei dooh i thngan ki paidbah uwa da ye u wanrah ya ki kaam pynroi hapoh ki chnong waphær waphær wa em ha poh ka Raliang Constituency nadooh wa man u kam u MLA yong ki.
Kamtæ ha kam ini i por wa dooh man Montri u MLA da sñiaw dooh nong bha ki chnong wa dang em chooh chooh leh ki kaam wa nang toh u kreh, te neiliang yong ka chnong Raliang booh ko ya i kyrpaad ya u Montri Rangbah ka jylla kamjooh leh ya ki Montri wow chong pyrkhat ki yow wanrah biang ya u Comingone kam u Montri.
