Ka seiñ HYC Jaintia Hills District Unit da pynsñiaw ko yei sñiawsih wow yoo yei jhep wa da lang hajan ka yung krehkaam u DC ha Jowai neibhah kut wa wan ka aiom lehkmen hapoh ka District kam ka Behdieñkhlam wa ka Christmas da em bait i pyrchah ya ka Municipal hawa yatoh wa i thaw noh jhep yong ka Municipal Board Jowai wei da yoo lakam wa em iyi iyi cha kylla kiwa em hei bor.
Ka seiñ da ong ko wa i leh Politics hawa yatoh wa i jhep wa mih na ka chnong Jowa da man ko i dooh nong yong uwa boon walang wa im ha ka mylla sngi ha Iawmusiang.
Neiliang yong ka seiñ da kyntu ko ya u Minister yong ka Urban Affair wa toh u tuklar smat yeini i kaam neibynta i eh kiwa chong yaw wa kiwa chong chnong ka Jowai kiwa da chem yei eh wow noh yei jhep.
Ka seiñ da kylli ko naka sorkar lada ka chnong Jowai toh ka thaw noh jhep namo ka thaw pynman yaw, ka thaw wa em ki yung krehkaam ka sorkar, kawa da mut wow pynkylla cha ka Smart Town tangwa da kylla mar dei khangtleiñ.
Chooh chooh da ong wa da mut wow pynbiej ke ya ki paidbah yong ka Jowai wow leh Politics mo. Neiliang ka seiñ HYC Jaintia Hills District Unit da pyrchah ko leh yei leh mutlop ka sorkar wa u MLA yong ka Jowai hawa yatoh wa i eh yong u paidbah yong ka Ri-loom Jaiñtia hi waroh kawi.
Ka kyrwoh na u Mewathi Suchiang, President.
