Sñiawsih ka seiñ ki MCS wa khlaad syndet u DM Wallang

Jowai: Ka seiñ Meghalaya Civil Service Officer’s Association (MCSOA) da pynsñiaw ko yei sñiawsih yei khlaad syndet u Donny Malcolm Wallang, MCS ha ka 2 tarik uni u bnai.

Ka MCSOA da kynmoo ko leh ya ki kaam wa bha wa u Wallang da leh wa i manbru wa bha u iwa kiwa yajan wa oo ym ye de ki wow mylliñ.

Ka seiñ ki MCS da ong ko leh wa u Wallang da chakri u ya ki paidbah kam u EAC, BDO, ADC, Projector Director ka DRDA wei khaddooh kam u Joint Secretary ka sorkar Meghalaya wei ha waroh ki kaam wa ksoh u da e lut u yei bor yong oo dei mysien wa kmen wa burom ya kiwi.

Man u leh uwa maya nadooh kiwa heh rta ya oo wa uwa burom kiwa khian rta ya oo, uwa yah luti yah ki wei man u leh u bru wa stat wa chemphang wow pynkrehkaam ya kiwa boon ki kaam wa da pynkreh da ka sorkar. I khlaad yong oo da wanrah ko yei thylli ha i rukom krehkaam ka sorkar iwa da eh wow kylliang.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka Association leh da phah ko yei mynsien sñiawlem cha ka Elaridor Sohliya, Gravirella wa Armangdame, ki bei ki pa u, ki payu para wa waroh kiwi kiwa emyatoh u kiwa da maad ya ini i jia wa sñiawsih.

Ka MCSOA leh da ngooh Blai ko wow yoh u yei suk wei kiwa ha yung ha sem leh u yoh bor ki wow man kiwa khlan bor ha kam kini ki por.

Ini toh katkam wa pyntip ka Anita Kharpor, General Secretary wa na u A. Ch. Marak, President ka MCSOA.