Jowai: Ka Seiñ Kyntu Seiñ Raij 12 Dolloi da pynsñiaw ko yei mynsien wa sñiawsih wa khroo hadien wa khlaad syndet u Kulam Nongrum uwa man kam u President ka Nongshat Nongkhein Hynniewtrep Hynniewskum.
U Kulam da ksoh u yei kaam President ka seiñ nadooh ka 30 Kmaichonglad 1995 hadooh wa khlaad u ha ka 9 tarik uni u bnai iwa mut da ksoh u yeini i kaam la kamwa 22 snem kattu.
“Uni u President Rangbah da dap u 80 snem tam i rta we i khlaad yong oo da wanrah ko yei doohnong wa khroo ya ka seiñ wa ka Sengkhihlang, Seiñ Kyntu Seiñ Raij 12 Dolloi ka Seng Khasi Mylliem wa khamtam kiwa hayung hasem wa ki lok ki jor yong oo” da ong ka seiñ.
Ya ka niam wa khaddooh u pyndep mynstep ka 11 tarik heipor 2:00 waje nohchariñ ka sngi ha Mylliem.
Kani toh katkam ka khubor na u S. Sari, Publicity Secretary, ka Seiñ Kyntu Seiñ Raij 12 Dolloi.
Discussion about this post