Jowai: Tooid kiwa kyrchaan u Ailad Bhoi cha ka yalang paidbah yong oo kawa pynman ha chnong Mukhla Nongrim ha Madanthad ha ka 23 tarik uni u bnai.
U Ailad toh u kyrtong naka 5 Mukhla Wahiajer Constituency heiwa kiwa kyrchaan da wan ki na ka chnong Mukhla, Wahiajer, Mupliang, Niriang, Mookaswan wa Ladmynkseh.
Ya kani ka yalang yalap Election da wan sakhi lang da u MLA ka thaaiñ u Wailadmiki Shylla.
Ha kani ka sngi da pynphooh pynphieñ ya kani ka yalang da ki chaad ki rwai na ki khon ka Constituency na ki chnong waphær waphær.
Ha kani ka sngi da iwi i sur ki paidbah wa kyrchaan na ka 5 Mukhla Wahiajer Constituency da chim ki ya ka rai wow pynjop emburom ya u Ailad Bhoi u kyrtong samen ka Mukhla Wahiajer Constituency uwa yaleh ha ka chap yong ka sngi.
Discussion about this post