Ka IIM Shillong da soi soskular Memorandum of Understanding (MoU) ko waka sorkar Nagaland yow yarap pynbha ya ka e sikai wa i puræ puthi ya ki khynnah ka Nagaland deiwa chna ya ki lynnong kot katkam wa emkaam kiwa chong chnong yow pynkupbor ya ki khynroo kyllood ka thaaiñ North East hi waroh kawi.
Da ya emlang ha kani ka ya soi soskular wa u Temjen Imna Along, Montri ka chnat puræ puthi ka Nagaland uwa da pynsñiaw yei kmen wow yoh u ya krehlang waka IIM Shillong deiwa ong leh wa ini daw pynkylla dur ko ya ka puræ puthi hapoh ka jylla.
Kani ka soskular u man ko leh kam chibynta wow pynkhreh wow pynkrehkaam ya ka New Education Policy (NEP) ka sorkar pyrdi.
Hapoh kani ka MoU, ka IIM Shillong u man ko kam ka Knowledge Partner yow e yarap deiwa thooh bniah, u pynchna Policy wei wow kdaw yei duna kamjooh kammon wow leh yow pynbna pynmiat heijooh i por u man kam kawa e buit ka sorkar.
Iwi na iwa kongsan toh wow pynkhreh leh ya ka thong ya ki skur wa em hapoh Nagaland yow ye u ki u pynkrehkaam ya ka New Education Policy 2020.
Kam wow pynkynmoo wa ka IIM Shillong toh ka chlem e sikai kawa da seiñ ha u 2007.
