Jowai: Ka sorkar jylla ynne ka sngi da soi soskular ko waka Public Health Foundation of India (PHFI) hei emlang u montri ka chnat Health & Family Welfare u AL Hek wa u PW Ingty, Additional Chief Secretary, Government of Meghalaya wa kiwi kiwi.
Ini i krehlang ka sorkar waka PHFI toh hapoh ka “Design and Adoption of Alternate models for Responding to address Shortage of medical specialists in Meghalaya” (ADARSH) yow yarap pynmih ya ki Specialist Doctor hapoh ka jylla kiwa duna bha ha waroh ki thaw sumaar ka sorkar.
Hapoh ka ADARSH Project daw sikai ya ki Doctor kiwa da em chwa lyngba ka College of Physicians and Surgeons (CPS) Model kawa daw pynemkaam hapoh ka jylla.
Daw pynemkaam ya ki District Hospital yow pynman kam ki thaw e sikai yow man Specialist Doctor. Ini man i kam ka thong ka National Health Policy 2017 waka MoH&FW Steering Committee yow pynku kyrdan ya ki Doctor lyngba ka CPS Model ha ki District Hospital.
Da yooluti wa deiwa boon ki Specialist ha ka chnat i chait i khiah ki paidbah khamtam ki kynthai wa ki khynnah daw yow ki wow yoh sumaar na ki Specialist Doctor 24 kynta chi sngi.
Ka e sikai u man ko wa ar snem wei ki Course wow e sikai toh Diploma in Child Health, Maternal Health, Anaesthesiology wa Surgery.
Discussion about this post