Ka sorkar Meghalaya waka NTPC Limited kawa man ka karkhana ka sorkar pyrdi wa pait yei pynmih wei saam bordiñ hapoh ka ri, da soi ki ya ki soskular Memorandum of Understanding (MoUs) ki yow pynbha pynmiat ya ki kaam pynmih bordiñ hapoh ka jylla Meghalaya.
Ya ini da leh ha ka yalang wa da pynman ha New Delhi deiwa ya emlang u Montri Rangbah ka jylla, u Conrad K Sangma, u Montri ka chnat Bordiñ u Abu Taher Mondal, u Gurdeep Singh, Chairman & Managing Director ka NTPC Limited wa u Sanjay Goyal, CMD, MeECL.
Hapoh kani ka soskular da kynthup lang ya ka Power Portfolio Management Services (PMS) neibynta ka Meghalaya Discom, u chna ya ki Pump Storage Power Plants (PSPs) wei pynkrehkaam ya ka Floating Solar Project hapoh ka jylla.
Ka PMS MoU toh yow pynmiat pynbha yei krehkaam ki thaw pynmih bordiñ wa em ha ka jylla wei yow pynpliah yei rukom saam bordiñ kamjooh i rukom chakri paidbah.
Da ya mynjur leh wow thooh laad u chna ya ki Hydro Project wa khian wei wow chna ya ki Pump Storage Plants kiwa ye u pynmih bordiñ deiwa taan um kam na Umiam wei ya kani ka um daw pynuiñ biang cha Umiam yow lait u duna ka um.
Daw ya thooh laad leh wow booh ya ka Floating Solar Power Unit ha Umiam wa ha kiwi ki um.
