Ka soskular MoU yow thooh ya ki khynnah wa da dam skur kiwa tip leh kam ki Out of School Children (OoSC) yow thap pynlai skur ki hapoh ki NIOS Study Centres da yasoi hapyrdi ka State Education Mission Authority of Meghalaya, Samagra Shiksha, Education Department ka sorkar Meghalaya waka National Institute of Open Schooling (NIOS) ha ka 27 tarik u Naisan ha ka yalang wa da pynman ha State Convention Centre, Shillong.
Da ya emlang ha katai ka sngi wa u Director of School Education & Literacy (DSEL) wa State Project Director, SEMAM, Samagra Shiksha, u Swapnil Tembe deilang wa u Chairperson NIOS, Prof. Saroj Sharma.
Ka Meghalaya katni toh kawa em du 25 tylli ki NIOS Study Centre ha ki 5 tylli ki District; kitæ ka East Khasi Hills, West Jaiñtia Hills, Ri-Bhoi, East Garo Hills wa ha West Garo Hills District. Neiliang ka yung krehkaam u State Project Office da kyrpaad ya ki NIOS wow pynboon ya kini ki NIOS Study Centre hapoh ka jylla khamtam ha ki District wym em kini.
Da pyntip leh wa ka sorkar da dep pynman ko chiboon ki pynsñiawthooh paidbah lyngba ki kot khubor, ki FM Radio wei da pynman leh ya ki Road Show hajrong ki OoSC wei kammon u ye u yarap ya ki kiwa em 16 hadooh 19 snem i rta kiwa lai puræ hadooh Class XII.
Ya ini i jooh yow thap pynlai skur ha ki NIOS daw leh sa ha East Jaiñtia Hills wa ha Ri-Bhoi District wei yei pynsñiawthooh paidbah daw leh ha kiwi ki District leh kamjooh.
