Ka soskular wow e sumaar Cancer kawa nyngkong dooh da soi ynne ka sngi hapyrdi ka sorkar Meghalaya waka Apollo Telehealth Foundation.
Hawa e yei klam, neiliang u Montri Rangbah ka jylla, u Conrad K Sangma da ong u wa i sumaar sukhær toh iwa ka jylla da chem chitom ko. “Sdang ko neiwa khian nadooh wow sumaar ya ki khynnah, ka manbei, i pynbiang baam wei wow yaleh pyrchah yei kjut Cancer kiwa boon wa chah ktah hapoh ka jylla,” da ong u.
Da pyntip u wa ka sorkar da dep pynlut ko chiboon ka poisa. “Em boon ki moochynthut ha kani ka kaam tangwa i kam ki chipai da toor i chakhmat yow jop wei ini ym toh du haka chnat i chait i khiah tangwa deilang waka sorkar kawa da booh hakhmat dooh yei emkaam i chait i khiah,” da ong chooh chooh u.
U Montri Rangbah da ong u leh wa ini wa da leh kattæ toh iwa nyngkong dooh hapoh ka ri wei daw man ko leh ka nongmuna ya kiwi wow bood ki. Chooh chooh da khut u yei ya krehlang yong waroh yow poi cha ka thong yow ye u pynim yei mynsien bru. “Ka thong wow yahluti toh wa waroh kiwa chah ktah hei kjut Cancer u ye u pynim wei wow pynchait deiwa chem smat ya kiwa chah ktah wei wow e dei sumaar wa biang,” da pynkut u.
Kani ka Cancer Care da sdang dei thmu wow pynbha pynmiat ha waroh ki liang nadooh ki tiar ki taar, ki kor sumaar deiwa pynemkaam da kiwa dang mih thymme katkam ka juk wa katni. Daw leh leh yei thooh namo ka Screening ya kiwa yoh Cancer ha ki Health and Wellness Center wei wow booddien ya kitu kiwa da pyntikna wa yoh Cancer. Daw e sikai ya ki ASHA kamjooh ki Doctor yow tip ki u leh yeiwa emkaam wei yei sumaar daw leh ha ki NCD Clinic kawa em ya ka Pathology Lab ha Civil Hospital Shillong wei yeini u pyrchang nyngkong ha East Khasi Hills.
