U Kyrsoibor Pyrtuh da ujor u ha u Chief Secretary ka jylla, u DP Wahlang hajrong i dooh bordiñ ka chnong Umlakhar, Ri-Bhoi la soo bnai deiwa ong wa ka ri da lehkmen ko yei dap 75 snem i yoh laitlood kamjooh ka jylla kawa da dap 50 snem i man kam ka jylla wa pura.
Da ong u leh wa i pynkhreh yei lehkmen dap 75 snem i yoh laitlooid ha kani ka 15 tarik da lai i chakhmat heiwa kiwa chong chnong leh da pynkhreh ki wow burom ya kani ka sngi.
Tangwa sñiawkthang won wa kiwa chong chnong ka Umlakhar won da hap ki wow chong hei doom khlem bordiñ wa da jan dap soo bnai.
Sa iwi leh da ong wa da lyngngoh wa em ki bru kiwa da pynbna khubor thok wei wow pyntieñ ya ki bru ha katai ka chnong wa kiwon kiwon ki wym seh lama daw chah kyntait ki wow man tre chnong.
Kamtæ da dawa na u Chief Secretary wow phah ya ka chnat bordiñ wow pynyoh bordiñ ha katai ka chnong wei wow phah takit ha ki bor District ya ini i pynpoor ya ka khubor thok wa da pynkulmar ya ki bru wa lui lui.
