Ki chipai ka USA da em soo ngut kiwa yap hadien wa yap wa uwi uwa mynsoo joor bha ha kani ka thma Iran-US, da pyntip ka US Central Command.
Nyngkong da yap chwa le ngut na iwa jia ha Kuwait katwa uwi won da mynsoo u wei da khlaad noh u hadien hapoh Hospital.
Chooh chooh da pyntikna wa ynne i step da em le tylli ki Fighter Jet F-15E kiwa da haap ha Kuwait hadien wa toh chah siat bakla ki (Friendly Fire) ha ki Kuwait Air Defense heipor wa mut ki wow siat ya ki Ballistic Missile ka Iran.
Da pyntip leh ki 6 ngut wa em hapoh kini ki Jet da lait im ki deiwa ye ki u wow mih (Eject).
Heijooh i por da pynbna ko wa da pynngam ya ka jhaad ka Iran na ka Jamaran Class kam chibynta ka Operation Epic Fury ha Gulf of Oman hajan ka Chah Bahar Port.
U President ka USA hawa e yei klam da e u ki kyntien sñiawlem cha kini kiwa da khlaad deiwa kyntu leh ya kiwa chong chnong wow duwai neibynta kiwi de kiwa mynsoo kiwa em san ngut. Heiwa da ong u leh wa da ye wow siat ya 9 tylli ki jhad ka Iran najrong wow pynyap ya u heh kani ka ri iwa da pynkmen ya kiwa chong chnong ko.
Nadooh iwa sdang ini i dat Bomb ha ka 28 tarik u bnai wa dep, da em kamwa 555 ngut kiwa yap ha kylleiñ ka Iran da pyntip ka Iranian Red Crescent Society.
Ki laad pathai khubor won da ong ki wa ynne da em 35 ngut kiwa yap ha Fars Province wa palat 20 ngut ha Niloofar Square ka Tehran, Iran ynne hi.
Discussion about this post