Ki bor District waka District Child Protection Unit da jied ki ya soo ngut ki khynnah na East Khasi Hills District kam ki wow yoh myntoi hapoh ka PM Cares for Children Scheme kawa da sdang da u Prime Minister ka India, u Narendra Modi ha ka 29 tarik u Naisan, 2021 yow kyrchaan ya ki khynnah wa da dooh ya ka bei wa u pa lane kiwa ri ya ki ha ka khlam COVID-19 nadooh u 11 tarik u Wisu, 2020 hadooh ka 28 tarik Thohlakhmi, 2022.
I thong toh wow e yarap, e yada ya kini ki khynnah yow ye ki u heh u san nadooh ka puræ puthi wei wow e yarap poisa T. 10 lak hadooh wa dap ki 23 snem.
Hapoh ka Scheme Ayushman Health Cards daw e sumaar dei mynkna hadooh T. 5 lak cha ki.
Kini ki khynnah deilang wa ki sahep ka District Child Protection Unit da chimbynta ki ha kani ka yalang ha yung krehkaam ka Deputy Commissioner deiwa emlang ka I.M. Syiem, Chairperson State Commission for Protection of Child Rights, ka N. Bareh, Member Juvenile Justice Board, ka D. Thangkhiew, Member Child Welfare Committee, ka D. Phawa, Additional Deputy Commissioner, ka M.L. Warjri, District Child Protection Officer wa kiwa ri wei sumaar ya kini ki 4 ngut ki khynnah.
Neiliang ka I. Laloo, Deputy Commissioner, da ekti ko ya ki kot ki sla cha kini ki khynnah wa kynthup ya ka chithi na u Prime Minister, ka Sneh Petra (Certificate ka PM CARES), PM CARE for Children Passbook waka Health Card ka AB-Pradhan Mantri-Jan Arogya Yojana (PM-JAY).
