Ka Union Public Service Commission (UPSC) ynnin ka sngi da pynbna ko ya ka result UPSC Civil Services Examination 2024 heiwa da em du soo ngut kiwa na ka thaaiñ mihsngi namo North Eeast kiwa da pass ya ka.
Na Assam, u Bhaswata Saikia na Nagaon District da yoh u AIR 474 wei ha u 2023 da pass u ya kani ka Exam deiwa yoh u ya ka All India Rank (AIR) 552.
Da em ar ngut kiwa pass na Arunachal Pradesh, ka Bullo Manku da yoh ko ya ka AIR wa 645 katwa u Dr Zing Messar won ka AIR 846.
U Jerry Lalhratthang Buongpui na Mizoram won da yoh u ya ka AIR 999.
Iwa sñiawsih toh wa ha uni u snem leh ym em wa pass ya kani ka Exam na Meghalaya.
Ka Exam UPSC CSE toh kawa khor dooh na waroh ki Exam ha ka ri heiwa da em da ki lak ngut kiwa yakhun ya ka man u snem wei man ko leh ka dwar wow kreh kam ki Indian Administrative Service (IAS), Indian Police Service (IPS), Indian Foreign Service (IFS), Indian Revenue Service (IRS), Indian Trade Service (ITS) wa ha ki Group A wa B yong ki kreh sorkar pyrdi.
Discussion about this post