Ka Executive Committee ka Dorbar Chnong Khanduli kawa da man ha ka 30 Naikhynde da yaklam hajrong i duna wa i thut ka Network Jio hapoh ka chnong.
Kamtæ hajrong ini ka Dorbar Chnong da chim ko ya i rai wow e por soo sngi ya ka Jio wow pynbiang ya ka Network wei lada jia wymye ko u leh yeini neiliang ka chnong u khang tylla noh ko ya u Tower wa em hapoh ka chnong.
Kamtæ ka chnong da dawa ko na kani ka Company wow leh yeiwa emkaam khnnang wow yoh myntoi ki paidbah liang wanang.
Kani toh katkam ka Wyrta na u Niwal Challam u Chairman ka Dorbar Chnong Khanduli, u Yoshida Nongspung kam u Waheh Chnong wa na u Helpme Slong kam u Secretary ka chnong.
