Ka United Democratic Party (UDP) da stang ko ha West Shillong hadien wa u Organising Secretary warim ka Party, u Gerald Shullai deilang wa kamwa 100 ngut kiwa yahkhmat deilang kiwa kyrchaan na ka UDP kamjooh na ka NPP wa ki dkhot warim ka VPP leh da psiah ki cha ka Congress ynne ka sngi.
Ya kini kiwa yahkhmat da pdiang da u President ka Meghalaya Pradesh Congress Committee (MPCC), u Vincent H Pala, ryngkat u President ka Shillong City, u Dr. Omarlin Kyndiah ha ka yalang ha Congress Bhavan, Shillong.
Hawa klam cha ki laad pathai khubor, u Gerald da ong u wa ym em iyi wow pyrchah ya ka UDP kawa da em u waroh chi kattu tangwa da mih noh u wow psiah cha ka Congress neidaw wa da yoo u ya ka mynried ka Congress.
Da ong u wa ha kani ka MP Election leh da e u yei kyrchaan ya u Vincent Pala neibhah wa emkaam ya ka Congress kawa khlan ha ka ri India.
Hawa kylli ileh wa yut noh u, u Gerald da ong u wym em iyi iyi wow klam pyrchah hanla u Paul Lyngdoh man u uwa stat tangwa samen ym ye wow leh iyi iyi ha ka Party.
Discussion about this post