Ki paidbah kawi ka chnong ha West Bengal, India da kær naarchieh ki ya u pood hapyrdi ka India wa Bangladesh ynnin i sngi ha i thaw wa tip kam i Dahagram-Angarpota khlem ap yeiwa pyrchah ki chipai Border Guard Bangladesh (BGB)
Katwa ki chipai BGB yania ki wa ki paidbah wow pyrchang u pynsangeh ya i kær naarchieh wa 4 Ft, ki chipai BSF won da yieñ ki harood wow chah ya ki paidbah wow pteiñ ki u leh yeiwa da sdang ki.
Uwi uwa chong chnong, u Roy na Andaran-Kharkharia, Mekhliganj Sub-Division ka Cooch Behar District da ong u wa ki BGB da pyrchang ki wow khang ya ki wow kær naarchieh ki tangwa da yoh mynsien ki nei em ki chipai BSF.
Ka Tin Bigha Corridor kawa kmai du 178m wa 85m u sarok wa pynyabi ya ka Dahagram-Angarpota wa ka Bangladesh wei man ko ka thaw wa joor bha i em chipai na waroh ar liang ki ri tangwa ym em u kær naarchieh ka.
U Roy da ong u wa i khayi tooh ya ki masi man iwa joor bha na Dahagram-Angarpota wei kini ki masi boonsien baam ki ya ki mar rep yong ki.
Da ong u wa i psiah tooh ki bru kamjooh ki kaam pyrchah aiñ man kiwa joor bha ha ini i bynta kamtæ da rai ki wow kær naarchieh noh pyn daki hi heini.
Ynnin heipor kamwa 9:30 i step da em 45 ngut kiwa da sdang wow kær ya ki naarchieh wei hadooh i janmiet da pyndep ko u kær 2 Km wei sah sa du 1 Km donhi wow kreh ki ynne.
Kamwa 3 Km yong u pood ka Dahagram-Angarpota em u hajan ka Andaran-Kharkharia.
Discussion about this post