Ka seiñ Jaiñtia Students’ Union (JSU) ynne da thoh ko cha u CEM ka JHADC, u Thombor Shiwat yow kyrpaad joor wow su noh ya waroh ka tulop kiwa kreh khlem da pynsahteiñ de.
Ka JSU da ong ko wa ymtoh u su du chi bnai næ du ar bnai tangwa toh u su pyndep waroh ka Rs. 30 klur kawa da yoh bhah ka JHADC na ka sorkar jylla.
Ka seiñ da ong ko leh wym toh u pynlai ya kani ka poisa chawi cha-ar tangwa toh u su pyndep bait chwa ya ka tulop kiwa kreh ka Council kiwa da yang boon tylli ki bnai, kiwa de kit ram kit chah ha yung ha sem neidaw wym em yoh tulop.
Da ong leh ini wym ye u su tulop da man ko i dooh burom ya ka JHADC ka wym ye u su tang ya kiwa kreh da tam chi snem. Yow lait u jia biang kamni, ka seiñ de e buit ko cha ka Council wa neini chaphrang toh u pynlang bha ko ya ka dan wei wow pynemkaam bha yow lai bait lai ryntih ki kaam neibhah kawam man kattæ waroh ki paidbah ha ri Jaiñtia da sakhi ki yei rukom tlot bor ka JHADC wei ini da pyndooh kyrmen ko ya kiwa chong chnong ka ri Jaiñtia waroh kawi.
Discussion about this post