Hawa yaklam wa kiwa pathai khubor ha White House heiyatoh wa i kynaad wa ka ri Iran u President ka United States of America, u Donald Trump da ong u wa neiliang yong oo suba hi u wa bakla ka Iran u siat ya ka lieñsuiñ Ukraine International Airlines ha nangbah Tehran ha i step ka 8 tarik uni u bnai.
Ha ini i haap kani ka lieñsuiñ da yap hadooh 176 ngut ki bru wei kani ka lieñsuiñ toh kawa thmu u lai cha nangbah Kiev ka ri Ukraine.
Uwi na ki heh ka ri America, da ong u wa katkam ki Satellite ka ri da yoo ki yei siat ya ar tylli ki namdiñ Surface-to-Air Missile du hadien kattu katni por wa sdang hær kani ka lieñsuiñ na Tehran wei du hadien ini da em i pdung ha i thaw wa hær ko.
Neiliang won u khlieh ka Civil Aviation Organization ka ri Iran, u Ali Abedzadeh da kyntait u yeini deiwa ong wa ini toh iwa ymye u man wa kani ka lieñsuiñ u chah siat ko.
Da ong u leh wa kini waroh toh ki kyntien hamsaya donhi.
Discussion about this post