Ka KSU-EJHDU haka 6 tarik uni u bnai da lai paan pynche ko na u Deputy Commissioner ka East Jaiñtia Hills District uwa man leh u Chairman ka District AYUSH Society ka District hajrong i suba wym em pynbna paidbah yei lait ki kattu katni ki kreh hapoh ka Ayush Mission hapoh ka District kiwa kynthup naduh ki kreh Ward Boy, Ward Girl, Sweeper, Cook, Chowkidar, Jamandar, Peon wa kiwi kiwi kiwa toh u Advertise wa da pynmih da u DMHO haka 15 tarik u Thohlakhmi (Feb) 2024.
Neiliang ka seiñ da paan pynche wei da kylli ko wa lada em kam kini ki kreh wa lait kiwa da chah kset næ daw khut won da kawi ka Advertisement.
Ka seiñ da suba ko wa da em leh ka chithi na u Commissioner ka Health Department ka sorkar jylla wa da phah ya ki DC kiwa man leh kam ki Chairman ka District AYUSH Society yow leh yeiwa emkaaam wow pynbait hajrong i thung kreh wei yeini i pynbna namo ka Notification ym tip paidbah yow che chooh chooh hajrong katwon tylli ki kreh wa da phah khut.
Hawa paan pynche na u DC da ong u wa daw hap phyllu yumut chwa wa u DMHO ka District uwa man leh kam u Member Secretary ka Society hajrong ini yow ye u chim yei rai.
Neiliang ka seiñ da ong ko wa daw booddien hajrong ini i khut thap kreh khnang yow man ko kawa khooid wa suba khlem da em iwon iwon i sih wa i leh chiliang.
Discussion about this post