U DGP ka Assam u Bhakarjyoti Mahanta da pyntikna u wa ka seiñ kieñ suloi ka United Liberation Front of Asom Independent (ULFA-I) da man ko kawa suba wa hakhmat dooh wa emkti hei pynpdung bomb ynne i step heipor wa ka ri dang boon kaam ko wow lehkmen Republic Day.
Hawa klam wa kiwa pathai khubor, u Mahanta da ong u, “Soo tylli ki pdung bomb da jia ki ha Dibrugarh wa Duliajan. Wei ym em wa mynsoo namo i jæd i pra ki thaw ki bhaw. Da suba i wa ka ULFA, emkti ko katam wa da chem ka takit wa sdang wei dang pteiñ yaka takit.”
Ka khubor da ong leh wa da em hadooh 5 tylli i pdung bomb, artylli ha Dibrugarh heipor 8 waje i step. Nyngkong da pdung ha Graham Bazar (hajan NH37) hajan i thaw noh jhep. I pdung wa ar da jia i hajan i chram u pood ka Sikh National School ha Marwari Patty, Dibrugarh. Wei ini i chram da chah ktah i malu mala.
Discussion about this post