Suba kiwa pyllai ya ka 7th Mile Weighbridge wa em ki bru wa thmu wow pynmynsoo ya kiwa kreh

Jowai: Kawa pyllai (Licensee) yong ka 7^th Mile Weighbridge ka M. Passah ynne ka sngi da thoh ko cha u DC ka West Jaiñtia Hills, u SP ka West Jaiñtia Hills wa cha u Commissioner of Transport ka sorkar jylla wa em ki bru wa thmu wow pynmih yei awri awra ha kani ka Weighbridge yow pynmynsoo ki ya kiwa kreh sorkar kamjooh kiwa kreh kani ka Weighbridge.

Da ong wa da em ki kattu katni ki bru wa kwah u chim kabu deiwa thooh ya kiwa yah truck kiwa bien u krehlang wa ki yow pynmih yei awri awra wei daw wan ki bru nadien ki wow choh u dat ya kiwa kreh ha kani ka Weighbridge.

Da suba ki tre kani ka Weighbridge wa em ki paidbah kamjooh kiwa yah truck wow leh yeini kamtæ da paan yarap ki na ka sorkar wow booh ya ki pulit ha kani ka thaw yow sonteri (yada) ya ki wakreh.

Kamwa man kattæ ka 7^th Mile Weighbridge toh kawa ye u e ya ka Weighment Certificate cha waroh ki kari wa kit mar kawa pynyohnong leh ya ka sorkar na ri-loom Jaiñtia.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Yeini da ood kiwa yah truck neibhah haap lai ki katkam ka aiñ Motor Vehicle Act wei ym ye de ki u kit palat pood iwa yarap ya ki paidbah neibhah i kit palat pood ki truck da sih leh u sarok ha waroh ka jylla da ong ka M. Passah.