Jowai: Ha iwi i jia wa sñiawsih, uwi u khynroo Khasi wa em 19 snem i rta da suba wa da chim u pyn da i yong oo hi i mynsien ynne ka sngi ha Bengaluru.
Katkam ka PAN Card uni u khynroo, i pyrtuid u toh u Nicky Swer u khon u Leam Nongrum wei da chem yei metyap yong oo da kiwa krehlang wa oo hapoh kamra wa sah u.
Katkam ka yutip wa da yoh, u Nicky toh uwa na Shillong wei da chong da sah u ha Jayanagar 6th Cross 3rd Block East wei da kreh u ha kawi ka Café.
Ki pulit dang yang ki ya kiwa hayung hasem wow wan chim ya ka metyap kawa da booh ha Victoria Hospital Bengaluru.
Discussion about this post