Suba wa chah thang ka yung dukan BN Tower ha Tura

Ka yung dukan wa tip kam ka BN Tower wa em ha Araimile, Tura da kop diñ ko deiwa suba wa chah thang ko.

Ki bru wa pyntip yeini da ong ki wa ym em poi leh ka kari Fire Brigade.

Kam wow pynkynmoo wa neidaw wa joor i kynaad hapoh Garo Hills, neiliang ka sorkar da pynsangeh ko leh chipor ya ka Election MDC ka GHADC.

Da khang leh ya ka Mobile Internet ha waroh ki District ka Garo Hills khlem da booh por, da phah khang leh ya waroh ki thaw puræ ha West Garo Hills deilang ki dukan ki yaaw ki haat chirup wa ki yung krehkaam ka sorkar wei ka Curfew leh u pteiñ ko.

Ha Chibinang da em leh ki yung kiwa da chah thang wei ka kynaad da joor ko da ki bru wa ya rah dieñ.

Ha Tura won ki pulit da hap ki wow siat leh da ki Tear Gas.

Ha iwi won i liang, ki bor District ka South West Garo Hills da pynmih ki ya ka hukum wow khang u dai yei Petrol wa Diesel ha ki Jerry Can, ki klong wa kiwi kiwa ye u thap phñiang neidaw wa mih i awri na ka Election cha Garo Hills Autonomous District Council (GHADC).

Related posts

Kyntu ka sorkar ya kiwa kreh wym toh u pynchit hawa pynemkaam Social Media

March 11, 2026

Mih ki khynroo khyllood Garo cha ka yalang ka CoMSO ha Shillong

March 11, 2026

Ya kani ka hukum da pynmih da ka District Magistrate, ka Anendya Raajsshre kam ka dak wow syndong khnang wow pynneh yei chongsuk.