Hapyrdi i thooh wa joor da ki pulit ka South West Khasi Hills wa ki BSF ya ki damok wa da wan pyntieñ pynsmiej ya ka thaaiñ Nonghyllam wa ki chnong marjan wa u pood ka Bangladesh, tangwa da suba joor wa uwa yahkhmat ya kini ki bru kiwa da em 8-9 ngut kiwa psiah tooh, da yoh biang u wow yut cha Bangladesh.
Katkam iwa yong u Symbood Montri Rangbah ka jylla uwa pait leh ya ka chnat Home (Police), u Prestone Tynsong da ong u wa heiyatoh wa iwa jia ha Khonjoy, kiwa boon da yoh wow kem noh, tangwa da suba wa uwi uwa yahkhmat ya kini ki damok da yoh laad u wow kaap cha chiliang pood.
Da ong u wa neiliang ki pulit ka jylla wa ki chipai ka BSF da thooh ki ya uni uwa yahkhmat uwa da emkti wow kawang Bomb ha katai ka thaaiñ ha ka 13 tarik.
Ki BSF da pyntip ki wa da pynemkaam leh da ki ksaw wow thooh ya kini ki bru wei da khang kset leh ya waroh ki thaw wa ye kini ki bru u yut heiwa da yoh wow kem 6 ngut wei ha ka 12 tarik won da chem ya ki kynja Bomb wa da chna hi.
Discussion about this post