Suba wa emkti ki bru na Bangladesh wa siat yap ya uwi ha yung u

Shillong: Ha i miet yong ka 12 tarik heipor kamwa 10:00 waje tam uwi u bru wa tip kam u Romeo Lyngdoh da chah siat yap u hadooh le kuli ha ki bynta yong i rupai hadooh wa da khlaad u.

Ini da jia i ha chnong Lapalang kawa haap hapoh ka Pynursla Police Station wei u Romeo Lyngdoh man u u tre chnong na Pongtung wei chongkha won u ha Lapalang.

U Superintendent of Police (City), u Steve A Rynjah da ong u wa ki pulit da suba ki wa ye wow em ar ngut ki bru kiwa da lai cha yung u Romeo kiwa da khut oo cha lait yung dei pyrtuid wa khut sin ya oo ‘Bahlieh’ wei kini ki damok ye ki wow man kiwa na Bangladesh neidaw wa kani ka chnong jngai ko du kamwa 1.2 km na u pood wa ka ri Bangladesh.

“Katkam wa batai yong kiwa hayung da pyntip ki wa em wa kbai na lait da i pyrtuid sin ‘Bahlieh’ wei neidaw wa dang mut u wa ye u man ki lok da mih u cha lait, wei mar mih ym sñiaw yeiwa yaklam wei da sñiaw donhi yei pdung i ktang suloi,” da pyntip u Rynjah.

Hawa kylli wa lada emkti u wa ka seiñ Hynniewtrep National Liberation Council (HNLC), neiliang u SP Rynjah da ong u wa ki pulit ye ki wow suba ya ka HNLC, tangwa ympu ye wow pynbaad bait ya ka kat wympu dep i takit.

Related posts

Chah kem ki le ngut kiwa rahbor ya ka kynthai na Byrnihat wei dai ka hei dor wa Rs. 3 lak ha Rajasthan

October 28, 2025

Hadien chi snem wa chah rahbor ka khynnah na West Garo chem ka na Delhi | Kha khon mar ya poi Tura

October 27, 2025

“Neidaw wa kani ka thaw ym jngai ko na ka ri Bangladesh, boon ye ki wow pynbaad wa emkti ka HNLC, tangwa ympu ye wow ngait namo wow kdaw kti ya ka HNLC wa da leh ko yeini i kaam. Lada tip i yi wa emkti wei kiyi kitæ ki bru wa leh yeini heitæ u tip lada emkti ka HNLC,” da ong u SP.

U Rynjah da ong u leh wa ki pulit da yoh ki leh ya ki snop kuli na kani ka thaw wei da phah leh ya ki cha ka Forensic Laboratory wow tip da ka yi ka jait suloi wa pynemkaam ki.