Ynne i por chiteiñ sngi heipor kamwa 1:30 da em i pdung wa yoo chyrkhei ha Ïew Shillong mar pyrchah ka Parking Lot yong ka Laitumkhrah kawa em ha kylla u Lum Mawrie. Ha ini i jia uwi u khynroo da mynsoo u katwa kiwi won da lait ki.
Katkam ka yutip wa da yoh, da ong wa katai ka thaw wa pdung da jia i ha iwi i thaw wa jooh booh mar wa da sih namo ki Scrap, wei da suba we ye u man wa ini i pdung toh u bomb, heiwa ki pulit da wan ki wut wut cha katai ka thaw.
Katkam wa pyntip kawi ka bru, itai i pdung bomb da jia i heipor 1:30 i sngi heiwa nyngkong da pyrkhat wa ye u man wa pdung u tadong Gas, tangwa ym toh, wei da pyntip leh wa ha itai i por dang em ko wa u payu ha dukan, wei da suba leh boi wa pdung u Transformer, neibhah hadien wa pdung da dap da tymmoh lut da i tdem ya waroh kawi ka thaw, tangwa hadien wa da mih chalait, da yoo wa u Transformer ym em jia ya oo iyi iyi leh.
Ha itai i jia u payu kani ka kynthai da mynsoo u wei da pynkit sha Nazareth Hospital Shillong.
Da em leh ki yung wa em chajan wa da piah ki it na ini i pdung.
Update: Ka HNLC da chim ko yei bahkhlieh ya ini deiwa ong wa ka wa emkti ha ini i tympdung ya u IED bomb.
