Ka Ministry of Health & Family Welfare ka sorkar India ynne da pyntip ko wa da em uwi u khynroo wa wan na kawi ka ri wa chah ktah ha u Mpox (Monkeypox) wei da suba wa yoh u ya uni u khñiang.
Ya uni kattæ da pynchong samen hapoh kawi ka Hospital wei man u u wym em chitom.
Da pyntip leh wa da chim ya ka nongmuna na uni yow phah Test yow pyntikna lada yoh u ya uni u khñiang Mpox.
Chooh chooh da pyntip leh wa da sdang yei booddien ya ki bru wa yachem wa uni wei da sdang leh wow pait kammon ye wow ktah ya ka ri.
Da pyntip leh wa da pait wei da leh yeiwa emkaam da ka National Centre for Disease Control (NCDC) wei ki paidbah leh ymtoh u khuslai.
Ka sorkar pyrdi da ong ko leh wa man ko kawa da pynkhreh wow leh yeiwa emkaam ya kitu kiwa ye u yoh ya uni u khñiang kamjooh lada em kiwa wan na baar ri kammon wow rah ki cha ki thaw yow lait u poor uni u khñiang.
Kam wow pynkynmoo wa ka World Health Organisation (WHO) ha u bnai wadep da pynbna ko ya uni u Mpox kam u Public Health Emergency of International Concern.
Ki ri wa da em kiwa yoh Monkeypox toh kiwa boon wa em ha Africa kam ka South Africa, Kenya, Rwanda, Uganda, Democratic Republic of Congo, Burundi, Central Arfican Republic, Congo Brazzaville, Cameroon, Nigeria, Ivory Coast neitæ won kawi ka ri wa em ha Middle East, ka UAE.
Puræ leh: Pynbna kyndon ka sorkar ya kitu kiwa wan na ki ri wa em wa yoh Monkeypox
Discussion about this post