Ka District Level Inter School Subroto Mukherjee Cup Football Tournament 2023 yong ka West Jaiñtia Hills District da poi ko cha ka sngi wa ynru ynne heiwa da pynman 6 tylli ki yalehke kiwa le tylli ki Under-17 ki chynrang wa kynthai kiwa man leh ki yalehke Pre-Quarter Final wa le tylli ki Under-14 ki chynrang kiwa man leh ki Pre-Quarter Final.
Ha ka Under-17 ki chynrang, ka North Liberty Higher Secondary School da jop ko yaka Ialong Secondary School da 7-0.
Ha ka Under-17 ki kynthai, ka Jowai Govt. UP & RMSA School da jop ko yaka Amwi HS School, Thangbuli da 4-3 deiwa yachut Tie-Breaker. Ka North Liberty HS School da jop ko yaka H.K. Singh Memorial Secondary School da 6-0.
Ha ki Under-14 ki chynrang da jop ka North Liberty HS School yaka Little Flower HS School, Ummulong da 4-2 deiwa yachut Tie-Brekaer. Ka Govt Boys HS School da jop ko yaka Moosachram UP School da 4-3 deiwa yachut Tie-Breaker. Ka R.C. Evening Secondary School da jop ko yaka J.N.M Secondary School, Lamin da 6-0.
Ki yalehke mynstep daw pynman biang 6 tylli kiwa man biang ki Pre-Quarter ki Under-14 ki chynrang san tylli wa kawi ka Under-17 ki chynrang.
