Hadien wa chah beh 15 tylli ki skur na ka 62nd Subroto Cup International Football Tournament 2023 ha ka kyrdan ki U-14 Sub Junior Boys ynne i step wei da hap wow pynkylla lut ya ki yalehke wa da pynman ha Bengaluru.
Ka H.K. Singh Memorial Secondary School kawa mihkhmat ya ka Meghalaya da yachem noh ko waka Maharashtra ynne i janmiet.
Kani ka yalehke man ko kawa ya ryngkat bor bha heiwa ka kylla step da kut ko khlem em wa jop.
Ha ka kylla miet chwa wow kut ka yalehke, u Markatjuh Shylla da thap u haka minit wa 47 yow pynjop ya ka Meghalaya (ka yalehke toh kawa pynman mar 25 minit chi kylla).
Ka Meghalaya kattu daw yachem ko waka IPSC ha ka 4 tarik heipor 2:00 waje i sngi.
Discussion about this post