Ka St. Anthony’s Higher Secondary School, Shillong kawa da mihkhmat ya ka Meghalaya ha ka Subroto Cup 2022 ha ka kyrdan Junior Boys U-17, ynne da kut noh i lai luti ko ha kani ka lympung deiwa rem noh ha ka Quarter Final pyrchah ya ka Nagaland deiwa yachut Tie-Breaker.
Ka Meghalaya waka Nagaland da yoh ki wow thap mar ar kool hadooh wa kut i por ha ka yalehke wa da pynman ha BR Ambedkar Stadium, New Delhi.
Ka Meghalaya ha uni u snem ha ka Subroto Cup ha ka U-14 Boys waka U-17 Girls da rem ki leh ha ka Quarter Final.
Ha ka yalehke ynne, ka Meghalaya da yoh ko wow thap kool nyngkong tangwa da pynuiñ ka Nagaland chi kool heiwa da pyntam biang chi kool da ka Meghalaya kawa da ye biang ka Nagaland wow su kylliang.
Hadien wa yachut Tie-Breaker ka Nagaland da jop ko da 5-4 ya ka Meghalaya.
Kiwi de kiwa jop Quarter Final ynne toh ka Manipur kawa jop ya ka Mizoram da 4-1, ka Chandigarh kawa jop ya ka Kerala da 3-1 waka Jharkhand kawa jop ya ka Tripura da 1-0.
