Ka chnat Cardiothoracic and Vascular Surgery (CTVS) ka North Eastern Indira Gandhi Regional Institute of Health and Medical Sciences (NEIGRIHMS) da ye ki wow pyndep yei pooid yei kjut klong snaam wa yaar bha wa em wa yoh wa tip kam i Vieussens’ Ring with Coronary Artery Disease.
Kani ka Vieussens’ Arterial Ring toh i wym biang i rukom lai i snaam na timun cha tidiang u klong snaam wei kiwa yoh ya ini i chitom duna i poi snaam cha u klong snaam iwa da wanrah yei kjut i rupai. Ya ini i yoh chitom uwa kjut da pyntikna da u Dr. Amit Malviya (Additional Professor Cardiology) wa u Dr. Donbok Lynser (Additional Professor Radiology).
Ya uni uwa chitom da pooid ha ka 31-08-2023 da ki Doctor wa kynthup lang ya u Cardiac Surgeon, u Dr. Reuben Lamiaki Kynta (Associate Professor CTVS & HOD I/C CTVS), u Dr. Tabang Nyitan (Assistant Professor CTVS), ka Anaesthesiologist, Dr. Neha Rawat, Assistant Professor Anesthesiology, ki Perfusionists, u Mrinal Mandal wa u Ioosar Dkhar, CTVS OT deilang wa ki ICU Nursing Staff.
Uwa chah pooid da man u uwa da em hei sdang chait wei kam ini i jait kjut da chem dang du ha 56 ngut donhi ki bru ha pyrthai waroh kawi.
Neiliang u Prof. C. Daniala, Medical Superintendent, NEIGIRHMS da e khublei u ya ka chnat Cardiothoracic wa Vascular Surgery yeini wa ye ki u pyndep yei pooid wa chitom wei iwa kyllaiñ bha wei da pynyoo sakhiat ki yei sap yong ki.
U Prof. Nalin Mehta, Director ka NEIGRIHMS leh da yaroh u ya kini kiwa da embynta deiwa ong wa ka NEIGRIHMS toh du ka donhi ka Hospital ka sorkar pyrdi wa em ha North East kawa ye wow leh kam kini ki jait sumaar ya u klong snaam nadjooh ki jait chitom wa khyllah wa kiwa yaar wa em wa yoh neidaw wa biang ki Doctor wa ki rukom sumaar iwa da man i kyrhu ya ki paidbah.
Discussion about this post