Ka Super Division ka Amlarem Sub-Divisional Sports Association da poi ko cha ki yalehke Semi Final wei ha kani leh ki yakhun Semi toh le tylli heiwa ynne da pyndep ar tylli.
Ha ka Semi wa nyngkong wa tip kam ka Eliminator da pynman hapyrdi ka Jarian waka Dongmihsngi Mupyut heiwa ka Jarain da jop ko da 1- 0 da ka kool wa thap u Puson Rymbui yow pynkut yei lai luti ka Dongmihsngi Mupyut.
Ha ka Semi wa ar wa tip kam ka Qualifier yow jied ya kiwa psiah syndon da cha ka Final, da pynman hapyrdi ka Seinbhalang Shkentalang waka Amlarem heiwa ka yalehke hadooh wa kut i por da neh ko da 0-0.
Kamtæ da pynman da ka yachut Tie-Breaker heiwa ka Seinbhalang da jop ko da 4-3 yow psiah Final.
Ini mut i wa haka Semi Final wa le, ka Amlarem u yachem ko waka Jarain kawa daw pynman haka 14 tarik heipor 1:00 waje i sngi.
Discussion about this post