Ka Super Division ka East Jaiñtia Hills District Football Association (EJHDFA) kawa tip leh kam ka 3rd Kyrmen Shylla Contribution Trophy dapoi ko cha ka sngi wa chipaw ynne da ar tylli ki yalehke.
Ha ka yalehke wa nyngkong, ka Rymbai Iawpynsing SC da jop ko da 2-1 yaka Khliehriat West YWSC.
Yaka Rymbai Iawpynsing da thap kool da u Thrangdor Swer haka minit wa 17 wa u Hesmiki Rymbai haka minit wa 45+2 lyngba ka Penalty katwa yaka Khliehriat West da thap kool da u Kerlang Tlang haka minit wa 44.
Ha ka yalehke wa ar, ka Dhana SC da jop ko da 2-1 yaka Rymbai Wahshnong SC.
Yaka Dhana da thap kool da u Apphira Sumer haka minit wa 47 wa u Harita Suchen haka minit wa 68 katwa yaka Wahshnong da thap da u Rajesh Lyngdoh haka minit wa 72.
Ka yalehke wa bood u pynman haka 30 tarik hapyrdi ka Rymbai Iawpynsing SC waka Dhana SC heipor 12:00 waje pyrdi sngi wei daw pynbood da ka Suntga SSCC waka Thangskai Tiger SC heipor 2:00 waje i sngi.
Discussion about this post