Ka Super Division 2024 ka East Jaiñtia Hills District Football Association (EJHDFA) kawa tip leh kam ka 4th Kyrmen Shylla Contribution Trophy dapoi ko cha ka sngi wa 12 ynne deiwa pynman ar tylli ki yalehke.
Ha ka yalehke wa nyngkong, ka Thangskai Tiger SC da jop ko da 4-1 ya ka Ladrymbai-B SC.
Ya ka Thangskai Tiger da thap da u Dukijuh Rymbai ha ka minit wa 17, u Pynthymme Rymbai ha ka minit wa 30 wa u Ruki Syrti ha ka minit wa 33 wa 39 katwa ya ka Ladrymbai-B da thap da u Laxman Lamare ha ka minit wa 61 da ka Penalty.
Ha ka yalehke wa ar, ka Khliehriat West YWSC da rem ko da 0-5 ha ka R. Iawpynsing SC kiwa thap da u Hesmiki Rymbai ha ka minit wa 60, u Slander Nongtdu ha ka minit wa 64 wa ka Hat-Trick na u Kiming Dkhar uwa da thap ha ka minit wa 67,71 wa 90+1.
Ka Khliehriat West YWSC da man ko ka Club wa nyngkong wa da tikna wow hiar cha ka 1st Division ha ka aiom yalehke wow wan.
Hadien ka Round wa 6 ki Points man ki kani:
Dhana CSC-12 Point
Thangskai Tiger-12 Point
Sutnga SSCC-12 Point
R.Shkenshynriah-10 Point
Chiehruphi SYWSC- 10 Point
R. Iawpynsing SC- 5 Point
Ladrymbai-B SC- 4 Point
Khliehriat West YWSC- 1 Point
Ki yalehke wa bood u pynman ha ka 03-12-24 ar tylli:
R. Iawpynsing SC Vs Ladrymbai (11:45 AM)
Khliehriat West YWSC Vs Thangskai Tiger SC (2:15 PM)
Discussion about this post