Ka Super Division ka East Jaiñtia Hills District Football Association (EJHDFA) kawa tip leh kam ka 3rd Kyrmen Shylla Contribution Trophy dapoi ko cha ka sngi wa ar ynne da ar tylli ki yalehke.
Ha ka yalehke wa nyngkong, ka Thangskai Tiger SC da jop ko da 1-0 yaka Moolamanoh SC da ka kool wa thap da u Ruki Syrti haka minit wa 61.
Ha ka yalehke wa ar, ka Khliehriat West YWSC da jop ko da 2-1 yaka Dhana SC.
Ya ka Khliehriat da thap kool da u Sandy Kassar haka minit wa 36 wa 82 (Penalty) katwa ya ka Dhana da thap kool da u Rimonlang Sumer haka minit wa 63.
Ka yalehke wa bood u pynman haka 7 tarik hapyrdi ka Rymbai Iawpynsing SC waka Rymbai Wahchnong SC heipor 12:00 waje pyrdi sngi wei daw pynbood da ka Rymbai Shkenshynriah SC waka Sutnga SSCC heipor 2:00 waje i sngi.
Discussion about this post