Ka Super Division ka East Jaiñtia Hills District Football Association (EJHDFA) kawa tip leh kam ka 3rd Kyrmen Shylla Contribution Trophy ynne da pyndep ko yaka Semi Final wa le yow rai ya ka liang wa khaddooh wa yoh u psiah Final.
Ka yalehke wa da pynman toh hapyrdi ka Rymbai Skhenshynriah SC waka Rymbai Iawpynsing SC heiwa ka Shkenshynriah da jop ko da 2-1.
Ka Shkenshynriah da yoh ko wow thap kool nyngkong pyn haka minit wa 5 wei kani ka kool da neh ko hadooh chwa u kut ka kylla miet heiwa haka minit 90+2 da yoh ka Iawpynsing u thap lyngba Hesmiki Rymbai tangwa ka Shkenshynriah da ye ko wow pyntam biang da ka kool wa thap u Roiboklang Bareh haka minit wa 96.
Ha kani ka yalehke da e leh 3 tylli ki Red Card heiwa ka Iawpynsing da yoh ko 2 tylli katwa ka Shkenshynriah won kawi.
Kamtæ ka Final u man ko ha kani ka 15 tarik hapyrdi ka Sutnga SSCC waka Rymbai Shkenshynriah SC heipor 1:00 waje i sngi.
Discussion about this post