Ka Super Division ka East Jaiñtia Hills District Football Association (EJHDFA) kawa tip leh kam ka 3rd Kyrmen Shylla Contribution Trophy ynne da pyndep ko ya ar tylli na ki le tylli ki yakhun Semi Final.
Ha ka Semi wa nyngkong ka wow jied syndon ya kiwa yoh u psiah Final, da jop ka Sutnga SSCC da 2-1 yaka Rymbai Shkenshynriah SC.
Ya ka Sutnga da thap kool da u Ioanis Suchen haka minit wa 53 wa u Ram Bareh haka minit wa 90+2 katwa yaka Shkenshynriah da thap da u Ribhame Dkhar haka minit wa 43, wei da ini i jop, ka Sutnga da yoh ko wow psiah Final.
Haka Semi wa ar, ka Rymbai Iawpynsing SC da jop ko da 2-1 yaka Khliehriat West YWSC.
Ya ka Iawpynsing da thap da u Phirip Lyngdoh haka minit wa 56 wa u Rimiki Rymbai haka minit wa 67 katwa yaka Khliehriat West da thap da u Raplangki Lyngdoh haka minit wa 82.
Kamtæ ha ka Semi wa le kawa daw pynman haka 12 tarik heipor 1:00 waje i sngi, ka Rymbai Skhenshynriah SC u yachem ko waka Rymbai Iawpynsing SC yow yaknieh psiah Final yow yachem waka Sutnga haka Final kawa daw pynman haka 15 tarik heipor 1:00 waje i sngi.
Discussion about this post