Super Division EJHDFA: Psiah Semi Final ka Sutnga, Shkenshynriah, Khliehriat West waka Iawpynsing

Ka Super Division ka East Jaiñtia Hills District Football Association (EJHDFA) kawa tip leh kam ka 3rd Kyrmen Shylla Contribution Trophy ynne da pyndep ko ya soo tylli ki yalehke wa khaddooh ha ki soo tylli ki madan chwa wow sdang noh ya ki yalehke Semi Final.

Ka yalehke wa nyngkong da pynman ha madan Wapungskur SSWO heiwa ka Rymbai Shkenshynriah SC da jop ko da 1-0 yaka Dhana SC lyngba ka kool wa thap u Hikaidame Bareh haka minit wa 56.

Ka yalehke wa ar da pynman ha Teilang Phawa Ground Dkhiah West heiwa ka Thangskai Tiger SC da jop ko 2-1 yaka Rymbai Wahshnong SC.

Ya ka Thangskai da thap kool da u Pynthymme Rymbai haka minit wa 44 wa u Sooki Syrti haka minit wa 90+2 katwa yaka Rymbai Wahshnong da thap bakla da uwa yada chadien ka Thangskai Tiger haka minit wa 78.

Related posts

District Cricket League: Jop ka Mupliang ya ka NEAU

May 9, 2025

U-20 Men’s National Football C’ship: Psiah Semi ka Meghalaya

May 9, 2025

Ka yalehke wa le da pynman ha Chiehruphi Football Ground heiwa ka yalehke hapyrdi ka Sutnga SSCC waka Khliehriat West YWSC da kut ko da 0-0.

Ka yalehke wa soo da pynman madan ka EJDSA wa em ha Diengshynrum heiwa ka Rymbai Iawpynsing da jop ko da 2-1 yaka Moolamanoh.

 Ya ka Iawpynsing da thap da u Hesmiki Rymbai haka minit wa 24 wa 59 katwa yaka Moolamanoh da thap da u Kiming Dkhar haka minit wa 65.

Da ini, ki liang wa da yoh u psiah Semi Final toh ka Sutnga SSCC, ka Rymbai Shkenshynriah SC, ka Khliehriat West YWSC waka Rymbai Iawpynsing.

Ki Semi Final toh kiwa daw pynman le tylli heiwa ka liang wa jop yaka Semi wa nyngkong u psiah ko sak cha ka Final, kawa jop haka Semi wa ar u yachem ko waka liang wa rem haka Semi wa nyngkong manda pynman yaka Semi wa le, wei kawa jop yaka Semi wa le u psiah ko cha ka Final.

Haka Semi wa nyngkong u yachem ka Sutnga SSCC waka Rymbai Shkenshynriah kiwa man leh kam ki Top Team kiwa yoh mar 19 Point tangwa da tam ka Sutnga deiwa kheiñ yaka Goal Difference.

Ka Semi wa ar toh hapyrdi ki liang wa yoh hei wa le wa hei wa soo i boon Point wei kini toh ka Khliehriat West waka Rymbai Iawpynsing kiwa yoh mar 9 Point tangwa da tam ka Khliehriat West deiwa kheiñ da ka Goal Difference.

Kini ki ar tylli ki Semi Final u pynman haka 9 tarik ha madan ka EJDSA heiwa ka semi wa nyngkong toh heipor 11:00 waje i step katwa kawa ar won heipor 1:00 waje i sngi.

Ka Points Table man ko kamni ha wah: