Ka Super Division ka West Jaiñtia Hills District Sport Association (WJDSA) kawa tip leh kam ka ‘U Kiang Nangbah Memorial Trophy 2023’ da poi ko cha ka sngi wa khad-le ynne deiwa pynman ka wi ka yalehke.
Ha kani ka yalehke, ka 7 Wasa da jop ko yaka Nangbah Mulang da 1-0 lyngba ka kool wa thap u Sucrip Manar haka minit wa 20.
Ka 7 Wasa kattu da jop ko la ar-sien wei ar-sien won da kut ka yalehke khlem em wa jop. Ka Nangbah Mulang won da jop ko la ar-sien wei da rem ko ar-sien.
Ka yalehke wa bood u pynman mynstep hapyrdi ka Sailung Ialong waka Mukhla Raij heipor 1:30 i sngi.
Discussion about this post