Ka Super Division Football League Tournament 2022 wa pynman da ka West Jaiñtia District Sports Association (WJDSA) kawa tip leh kam ka U Kiang Nangbah Memorial Trophy dapoi ko cha ka yalehke wa arphaw ar.
Ka yalehke wa da pynman ynne toh hapyrdi ka Ladthadlaboh waka Sabahmuswang heiwa da jop suk da ka Ladthadlaboh da 7-0.
Ya ki kool da thap da u Medon Salahe ha ka minit wa 7, u Nitenjan Pala ha ka minit wa 26, u Thikwell Bareh ha ka minit wa 27, u Jeffrey Surong ha ka minit wa 31, 45 wa 56 wa u Simeon Suchiang ha ka minit wa 40.
Ka yalehke u pteiñ biang ha ka 12 tarik hapyrdi ka 7Wasa waka Nangbah Mulang.
